राष्ट्रिय स्वतन्त्र पार्टी सिन्धुपाल्चोकले आज बुधबार बसेको जिल्ला समितिको बैठकमा निर्वाचन प्रचार प्रसार समिति गठन गरेको हो। गोपाल राउत संयोजक र सह-संयोजक दिल बहादुर श्रेष्ठ रहेका छन् ।
सिन्धुपाल्चोककै इतिहासमा पहिलो पटक गणतान्त्रिक पद्धतिमा महिला उम्मेदवारी रहेको रा स्व पा सिन्धुपाल्चोक अहिले जनताको चासो बन्दै आएको छ । सिन्धुपाल्चोक क्षेत्र नं १ बाट भने साहसिक पर्यटनमा पि एच डि ( बिध्याबारिधि अनुसन्धान कर्ता) गर्दै गरेका दिनेश श्रेष्ठले उम्मेदवारी दिएका छन् भने, क्षेत्र नं २ बाट सगरमाथा आरोहि माया गुरुङ ले आफ्नो उम्मेदवारी दिए सँगै एकाएक ठुला दललाइ चुनौति देखिएको छ ।
पुराना दलहरु बारम्बारको पदको भागबन्डामै सिमित रहेर आजित भएका सर्वसाधारणको नयाँ आशाको किरण बनेर आएका कारणले पनि यो समयमा जिल्लाभर चर्चाको बिषय बनेको हो ।
दुबै उम्मेदवारले पर्यटन क्षेत्रमा अनुभव र योगदान दिएकै कारण सिन्धु जगतमा यो माटो सुहाउँदो उम्मेदवार रहेको विज्ञहरुको दावि छ ।
