सूर्यविनायक नगरपालिका क्षेत्रमा पर्यटन प्रवद्र्धन गर्ने उद्देश्यले निर्माण गरेको योयो जिपलाइन कम्पनीले सञ्चालनमा ल्याएको सो गन्तव्य भक्तपुरको सुर्यविनायकबाट करिब ७ किलोमिटर टाढा रहेको छ।
लङ जिपलाइन (१.२ किमि), सर्ट जिपलाइन (४५० मिटर), स्काई साइक्लिङ (३५० मिटर), क्यानोपी साइक्लिङ (३५० मिटर) रहेको छ।
भक्तपुरको प्रशिद्ध पर्यटकीय स्थलहरु पाइलटबाबा र रानिकोट नजिकै रहेकोले पनि यसलाई विषेश चासोका साथ हेरिएको छ । ती गन्तव्यमा धेरै व्यक्तिहरु हाइकिङ जाने गरेका छन् ।
विषेश गरेर सनिबार र बिदाको दिन त्यस क्षेत्र मान्छेकाे घुइचाे लाग्ने गरेको छ । योयो जिपलाइनमा सनिवार र बिदाको दिन १०० देखी १५० जना सम्म आउने र अरु बेला ३० देखि ४० जना सम्म आउने र रेस्टुरेन्टमा दैनिक १०० जना सम्म आउने संचालक टिमको भनाइ छ। 
तस्बिर खिच्नको लागी आकर्षित तरिकाले सजावट हरु पनि राखीएको छ भने भक्तपुरको सुन्दर दृश्य पनि देख्न सकिन्छ ।
योयो जिपलाइनले आन्तरिक एवम् बाह्य पर्यटकलाई लोभ्याउने , पदमार्ग, साईक्लिङ, मनोरम हिमालय दृष्यावलोकन, घुमफिर आदिको लागि प्रशिद्ध यो क्षेत्रमा जिपलाइन, स्काई साइकल, क्यानोपीलगायतका खेलहरु सञ्चालनले आन्तरिक एवंम वाह्य पर्यटकहरुलाई थप आकर्षित हुने र यसले समग्र सुर्यविनायक नगरपालिकाको पर्यटन उद्योगमा सकारात्मक प्रभाव पार्ने संचालक को भनाइ छ
